Kis Wade Se
kis wade se foji apna lahoo bahata hai
kis wade se veer bhagat phansi chad jata hai
kis wade se koyal meetha gaan sunati hai
kis wade se ganga tu bahtee hi jati hai
kis wade se nanha balak musurata hai
kis wade se suraj nit dharti pe aata hai
kis wade se phool khila karte hai gushan main
kis wade se moor mast ho naanche upvan main
kis wade se aakhoon main sapne aate hai
kis wade se jharne apna geet sunate hai
kis wade se koi kahi sathee ban jata hai
kis wade se meet tera tujpe mar jata hai
kis wade se dost bana karte jeevan main
kis wade se saath tera dete wo uljhan main
kis wade se pita tera chalna sikhlata hai
kis wade har maa ka aanchal bhar jata hai
kis wade se maa bacche ko lori gati hai
kis wade se nani-dadi pyar lutati hai
kis wade se tu masjid ja sheesh jhukata hai
kis wade se tu mandir ja deep jalata hai
kis wade se ritue aatee jati jeevan main
kis wade se badal ye pani barsata hai
kis wade meera apne shyam ki ho gayi
kis wade se radha yoon mohan main kho gayi
kis wade se thandi ye hawayen chalti hai
kis wade teri yoon saanse machalti hai
kis wade se bahne bandhe dhaga bandhan ka
kis wade se rakhta hai koi vrat tere jeevan ka
jasbanto ki baat hai ye antar se aati hai
kis wade maa bachhe doodh pilati hai
























meri Aawaz meri dil ka parda hai
mera ahsaas meri khamoshi se ubharta hai
mujhe bheer main bolne ki aadat nahi
mera kam to aakhon se chalta hai

"Hamara Samaj"

yaro mujko rat kal
ek aisa sapna aya
sab logo ko lekar maine
sunder ek samaj banaya

uttar-dakshin-purab-paschim se lekar mitti thodi
prem-pyar aur sad-bhav ke dhagoon se kadia jodi

thode-thode rang liye, maine har, kinaro se
sikha maine sath raho asman ke taroon se

is samaj main hum sab parijan
haath mila kar chalte the
udad gaye, dhage bandhan ke
unko milkar silte the

wo tum ho, ye main hoon, eise,
kuch bhi nahi hone wala
kya mata ne hamko bhi
bhed bhav se hai pala

us gulshan main, har podha tha
phool waha har, khilta tha
ek-duje se, har prani
gale laga kar milta tha

phir maine dekha ek din
gulshan baant diya tumne
prem dhaga beetch hamare
kaise kaat diya tumne

alag-alag phir sonch hui
alag-alag raho main tum
chalte-chalte bhatak gaye
door hue apno se tum

phir tumne bhasha baanti
baanta apna rahan-sahan
baant diye tumne kaise
saalo se bante bhandhan

mana ungli se milkar
mutthi puri hoti hai
lekin is mutthi se he
dil main duri hoti hai

anandit ho apne
to man anandit hoota hai
nam bhai ka ho agar to
bhai kon sa roota hai

wo to apne nahi the jin ne
do bhago main kaat diya
lekin tumne kaise hamko
yu hisso main baant diya

ye hissa mera aur
wo hissa tumhara hai
main to kahta yaro
"Hindunstan Hamara Hai"

This poem is dedicated to all the persons who believe in harmony
Ashutosh Bhatia